Kitu Chenye Kutosheleza Yote

Jifurahishe katika Bwana, naye atakupa haja za moyo wako. (Zaburi 37:4)

Kule kutafuta furaha si kitu cha hiari tu, bali ni amri (katika Zaburi): "Jifurahishe kwa Bwana, naye atakupa haja za moyo wako" (Zaburi 37:4).

Watunga-zaburi walitaka kufanya hivi: “Kama paa anavyo onea shauku vijito vya maji vinavyo tiririka, ndivyo nafsi yangu inavyo kuonea shauku, Ee Mungu. Nafsi yangu ina kiu ya Mungu, Mungu aliye hai” (Zaburi 42:1–2). “Nafsi yangu ina kiu kwa ajili yako; mwili wangu una zimia kwa ajili yako, kama katika nchi kavu na uchovu, isiyo na maji” (Zaburi 63:1).

Nia ya kuwa na kiu ina ulinganifu wake wenye kuridhisha wakati mtunga-zaburi asemapo kwamba watu “wanywe na kushiba wingi wa nyumba yako; nawe ukawa nywesha mto wa furaha zako” (Zaburi 36:8).

Niligundua kwamba wema wa Mungu, msingi wa ibada, si kitu unachokiheshimu kwa aina fulani ya heshima isiyo na shauku. La, ni jambo la kufurahia: “Onjeni mwone ya kuwa Bwana ni mwema!” (Zaburi 34:8). Onja. Onja! Na uone.

Maneno yako ni matamu kama nini kwangu, Ni matamu kuliko asali kinywani mwangu!

(Zaburi 119:103).

Kama CS Lewis asemavyo, Mungu katika Zaburi ndiye "Mwenye kutosheleza” Watu wake wanamwabudu bila haya kwa ajili ya "furaha kuu" wanayopata ndani yake (Zaburi 43:4). Yeye ndiye chanzo cha furaha kamili na isiyo na mwisho: “Mbele za uwepo wako mna furaha tele; mkono wako wa kuume kuna mema ya milele” (Zaburi 16:11).