Bora Kuliko Pesa, Ngono na Mamlaka

Usitupe ujasiri wako, ambao una thawabu kubwa. (Waebrania 10:35)

Tunahitaji kutafakari ukuu wa Mungu kama thawabu yetu kuu juu ya yote ambayo ulimwengu unapaswa kutoa. Tusipofanya hivyo, tutaipenda dunia kama kila mtu mwingine na kuishi kama kila mtu mwingine. 

Kwa hivyo, chukua vitu vinavyoendesha ulimwengu, na utafakari jinsi Mungu alivyo bora na mwenye kudumu zaidi. Chukua pesa au ngono au mamlaka na ufikirie juu ya vyote ukihusianisha na kifo. Kifo kitaondoa kila kimojawapo. Ikiwa ndivyo unavyoishi, hautapata mengi, na kile unachopata, unapoteza. 

Ngono, pesa, na mamlaka ni taswira hafifu ya kweli na raha za juu zaidi zitakazovifanya hivi kuonekana kama miayo.

Lakini hazina ya Mungu ni bora zaidi, nayo hudumu. Inaenda zaidi ya kifo. Ni bora kuliko pesa kwa sababu Mungu ndiye mmiliki wa pesa zote na ndiye Baba yetu. Sisi ni warithi wake. “[Vitu] vyote ni vyenu, na ninyi ni wa Kristo, na Kristo ni wa Mungu” (1 Wakorintho 3:22–23).

Ni bora kuliko ngono. Yesu hakuwahi kuwa na mahusiano ya kimapenzi, na alikuwa mwanadamu kamili na mkamilifu zaidi ambaye hatawahi kuwepo. Ngono ni kivuli - taswira - ya ukweli zaidi, ya uhusiano na raha ambayo itafanya ngono ya kupendeza zaidi kuonekana kama miayo.

Malipo ya Mwenyezi Mungu ni bora kuliko mamlaka. Hakuna mamlaka kubwa zaidi ya kibinadamu kuliko kuwa mtoto wa Mungu Mwenyezi. “Je, hamjui kwamba tutawahukumu malaika?” (1 Wakorintho 6:3). “Yeye ashindaye, nitampa kuketi pamoja nami katika kiti changu cha enzi, kama mimi nilivyoshinda nikaketi pamoja na Baba yangu katika kiti chake cha enzi” (Ufunuo 3:21).

Tunahitaji kutafakari ukuu wa Mungu kama thawabu kuu kuliko yote ulimwenguni. Tusipofanya hivyo, tutaipenda dunia na kuishi kama kila mtu mwingine.

Na hiyo inaendelea na kuendelea. Kila kitu ambacho dunia inatoa, Mungu ni bora zaidi na wa kudumu zaidi.

Hakuna wa kulinganishwa. Mungu anashinda - kila wakati. Swali ni: Je, tutakuwa naye? Je, tutaamka kutoka kwenye maono ya ulimwengu huu wa kustaajabisha na kuona na kuamini na kushangilia na kupenda kile ambacho ni halisi, na chenye thamani isiyo na kikomo, na cha milele?