Divai ya Mfalme Mkuu

Kwa kuwa hatuna kuhani mkuu ambaye hawezi kushiriki udhaifu wetu, bali tuna mmoja ambaye katika kila hali alijaribiwa kama sisi, lakini bila dhambi. (Waebrania 4:15)

Sijawahi kusikia mtu akisema, “Mafunzo ya kina kabisa ya maisha yangu yamekuja kupitia nyakati za urahisi na faraja.” Lakini nimesikia watakatifu wenye nguvu wakisema, “Kila hatua muhimu ambayo nimewahi kufanya katika kushika kina cha upendo wa Mungu na kukua pamoja naye, imekuja kupitia mateso.”

Huu ni ukweli mzito wa kibiblia. Kwa mfano: “Kwa ajili ya [Kristo] nimepoteza vitu vyote na kuvihesabu kuwa takataka ili nipate Kristo” (Wafilipi 3:8). Hakuna maumivu, hakuna mafanikio. Au:

Sasa acha yote yatolewe dhabihu, kama yatanipa  Kristo zaidi.

Mfano mwingine huu hapa: “Ingawa alikuwa mwana, [Yesu] alijifunza kutii kwa mateso yake” (Waebrania 5:8). Kitabu hicho hicho kilisema hakutenda dhambi (Waebrania 4:15).

Kujifunza utii ni kukua na Mungu kupitia uzoefu wa utii na kujisalimisha kupitia mateso. Bila maumivu, hakuna mafanikio.

Kwahiyo kujifunza utii haimaanishi kubadili kutoka katika kutotii hadi utii. Inamaanisha kukua zaidi na zaidi na Mungu katika uzoefu wa utii. Inamaanisha kupitia viwango vya kujisalimisha kwa Mungu ambavyo vinginevyo visingefikiwa. Hili ndilo lililokuja kupitia mateso. Hakuna maumivu, hakuna mafanikio.

Samuel Rutherford alisema kwamba alipokuwa akitupwa kwenye vyumba vya mateso, alikumbuka kwamba Mfalme mkuu daima alikuwa akiweka divai yake huko. Charles Spurgeon alisema, "Wale wanaopiga mbizi katika bahari ya mateso huleta lulu adimu."

Je, humpendi mpenzi wako zaidi unapohisi maumivu ya ajabu yanayokufanya ufikirie una saratani? Sisi ni viumbe wa ajabu kweli. Kama tuna afya na amani na muda wa kupenda, upendo unaweza kuwa kitu chepesi na cha haraka. Lakini kama tunakufa, upendo unakuwa mto wenye kina na wa polepole wa furaha isiyoelezeka, na ni vigumu kwetu kuachana nao.

Kwa hiyo ndugu zangu, “Hesabuni kuwa ni furaha tupu mnapopatwa na majaribu mbalimbali” (Yakobo 1:2).