Fungua Madirisha ya Moyo Wako

Mwanzi uliovunjika hatauvunja, na utambi unaowaka kwa shida hatauzima. (Isaya 42:3)

Pengine maneno yenye kutia moyo zaidi niliyoyasikia kwa wiki kadhaa yalitoka kwenye unabii wa Isaya 42:1–3 kuhusu jinsi Yesu atakavyotumia nguvu zake za kiroho.

Je, unajisikia kama “tete lililovunjika” — kama moja ya yale maua makubwa ya Pasaka ambayo shina lake limepondwa kiasi kwamba ua linaanguka chini na halipati utomvu? Je, unahisi imani yako ni kama cheche ndogo badala ya moto — kama ile nukta nyekundu mwishoni mwa utambi baada ya kuzima mshumaa wa ile siku ya kuzaliwa?

Jipe moyo! Roho wa Kristo ni Roho wa kutia moyo: hatakata ua lako; hata zima cheche yako. 

Roho wa Bwana yu juu yangu . . . kutangaza habari njema kwa maskini (Luka 4:18).

"Jua la haki litachomoza na uponyaji katika mabawa yake" (Malaki 4:2).

[Yeye] ni mpole na mnyenyekevu wa moyo, nanyi mtapata raha ya roho zenu (Mathayo 11:29). "Mngoje Bwana; uwe na nguvu, na moyo wako na upate ujasiri; mngoje Bwana!" (Zaburi 27:14).

Inaweza kuwa huzuni kwetu kwamba sisi ni cheche tu badala ya moto unaowaka. Lakini sikiliza! Na uwe na moyo: Ndiyo, kuna tofauti kubwa kati ya cheche na moto. Lakini kuna tofauti isiyo na kipimo kati ya cheche na kutokuwa na cheche! Mbegu ya haradali ya imani iko karibu zaidi kuwa mlima wa imani kuliko kutokuwa na imani kabisa.

Fungua dirisha la ahadi za Mungu na uache Roho apulize katika kila chumba cha moyo wako. Upepo Mtakatifu wa Mungu hautakata wala kuzima. Atakuinua kichwa chako na kupuliza cheche yako kuwa moto. Yeye ni Roho wa faraja.