Hatari Tano za Kidigitali

Bali mvaeni Bwana Yesu Kristo, wala msitoe nafasi ya mwili hata kuridhisha tamaa zake. (Warumi 13:14)

Wakristo hawaenendi tu katika maisha kama vile samaki aina ya saza [yaani jellyfish] wanaoelea katika mkondo wa utamaduni wa kisasa. Tunaishi kwa uwezo wa Roho na maelekezo yetu ya uelekeo hupatikana kwa kupitia neno la Mungu. Tunaogelea. Kama pomboo [yaani dolphin], sio saza.

Sehemu ya huo mpangilio wa mwenendo ulivyowekwa huonyeshwa katika ushirikiano wa kina na hali halisi ya kidijitali ya siku zetu. Hatari zimejumuishwa. Tano hizi hapa.

1. Mtego wa udadisi wa mara kwa mara

Vifaa vya kidijitali hutoa uwezekano usio na kikomo wa ugunduzi. Hata mifumo ya kawaida ya uendeshaji inaweza kutumia masaa ya kudadisi na kufanya majaribio. Kisha kuna programu zisizo na kikomo zinazotumia majuma ya muda wako huku zinakuvutia katika utata wao.

Yote haya ni ya udanganyifu sana, ikitoa udanganyifu wa nguvu na ufanisi, lakini inakuacha na hisia ya utupu na woga mwishoni mwa siku.

Azimio: Nitaweka kikomo cha muda wangu wa majaribio kwenye kifaa na kujitolea zaidi kwa ukweli kuliko mbinu.

2. Ulimwengu Tupu wa Uhalisia (Usio) Halisi wa Kidijitali

Inasikitisha sana kuona watu mahiri na wabunifu wakitumia masaa na siku za maisha yao kuunda miji na majeshi na matukio ambayo hayana uhusiano na ukweli. Tuna nafasi moja tu ya kuishi. Nguvu zetu zote tumepewa na Mungu wa halisi kwa ajili ya ulimwengu halisi unaopelekea kwenye mbingu halisi na kuzimu halisi.

Azimio: Nitatumia nguvu zangu za kujenga, za ubunifu sio katika hali isiyo na uhalisia ya " uhalisi wa kidigitali" lakini katika hali halisi ya ulimwengu.

3. Mahusiano ya "Binafsi" na mashine

Kupita uvumbuzi mwingine wowote, kompyuta inakaribia kuwa kama mtu. Unaweza kucheza michezo nayo. Itazungumza na wewe. Itakuwa daima kwa ajili yako. Hatari kubwa hapa ni kwamba kwa kweli tunastareheshwa na "mtu" huyu wa kielektroniki anayeweza kudhibitiwa, na hatua kwa hatua tunasogea mbali na shughuli zisizotabirika, za kufadhaisha, wakati mwingine za kuumiza tukiwa na wanadamu halisi.

Azimio: Sitoweka mbadala wa mahusiano na watu wengine katika hatari kwasababu ya usalama wa kielektroniki usio na utu.

4. Hatari ya kuficha Mahusiano ya Siri

"Tryst /’trist/ nomino: Makubaliano (kama kati ya wapendanao) kukutana." Masuala ya kujamiana huanza kwa wakati wa faragha pamoja, mazungumzo ya muda mrefu, na kushirikishana hisia za nafsi, ambayo sasa inaweza kufanywa kwa kutengwa kabisa kupitia vifaa vya kidijitali. Unaweza kufikiri kwamba "sio kitu" - hadi yeye mwanamke (au mwanamke) ajitokeze mjini.

Azimio: Mimi sitaanzisha uhusiano wa karibu na mtu mwingine wa jinsia tofauti isipokuwa mwenzi wangu. Ikiwa mimi sina mwenzi, sitaanzisha uhusiano kama huo na mwenzi wa mtu mwingine.

5. Picha za ngono

Ujanja zaidi kuliko video zilizokadiriwa X, sasa tunaweza sio tu kutazama bali kujiunga na upotovu katika faragha ya pango letu. Ponografia shirikishi itakuruhusu "kuifanya" au kuwafanya "waifanye" kidigitali.

Sijawahi kuiona. Wala sikusudii kamwe. Inaua roho. Inamfukuza Mungu. Inapunguza utu wa wanawake. Inazima maombi. Inaifanya Biblia kuwa tupu. Inafanya nafsi iwe haina thamani. Inaagamiza nguvu za kiroho. Hunajisi kila kitu.

Azimio: Sitowahi kufungua programu au tovuti yoyote kwa ajili ya kuchochea ngono, wala kununua au kupakua chochote cha ponografia.