Je, Upendo wa Mungu Una Masharti?

[Mungu] hutupatia neema zaidi. Kwa hiyo inasema, "Mungu huwapinga wenye kiburi, lakini huwapa neema wanyenyekevu." Basi mtiini Mungu. Mpingeni shetani naye atawakimbia. Mkaribieni Mungu, naye atawakaribia ninyi. (Yakobo 4:6-8)

Yakobo anatufundisha kwamba kuna uzoefu wa thamani wa "neema zaidi" na Mungu "kukaribia" kwetu. Hakika hili ni tukio la ajabu - neema zaidi na ukaribu maalum wa Mungu. Lakini nauliza: je uzoefu huu wa upendo wa Mungu hauna masharti? Hapana. hauna masharti. Inategemea kujinyenyekeza kwetu na kumkaribia Mungu. Mungu “huwapa neema [zaidi] wanyenyekevu . . . . Mkaribieni Mungu, naye atawakaribia ninyi.”

Kuna uzoefu wa thamani wa upendo wa Mungu ambao unahitaji kwamba tupigane na kiburi, kutafuta unyenyekevu, na kuthamini ukaribu wa Mungu. Hayo ndiyo masharti. Bila shaka, masharti yenyewe ni kazi ya Mungu ndani yetu. Lakini bado ni masharti tunayotimiza.

Ikiwa hii ni kweli, ninaogopa uhakihisho wa leo usiojali biblia unaosema kwamba upendo wa Mungu hauna masharti unaweza kuwazuia watu kufanya mambo yale ambayo Biblia inasema wanapaswa kufanya ili kufurahia amani yote ambayo wanatamani sana. Katika kujaribu kutoa amani kwa njia ya "kutokuwa na masharti" tunaweza kuwatenga watu kutoka kwenye tiba yenyewe ambayo Biblia inaagiza.

Ukweli wa Biblia ni kwamba uzoefu kamili wa neema na ukaribu wa Mungu unafurahiwa na wale wanaojinyenyekeza na kumkaribia Mungu kila siku.

Ili kuwa na hakika, hebu tutangaze, kwa sauti kubwa na kwa uwazi, kwamba upendo wa kimungu wa uchaguzi, na upendo wa kimungu wa kifo cha Kristo, na upendo wa kimungu wa kuzaliwa upya kwetu hauna masharti kabisa. 

Na tutangaze bila kuchoka habari njema kwamba kuhesabiwa haki kwetu kunatokana na thamani ya utii na dhabihu ya Kristo, sio yetu (Warumi 5:19 , NW , “kama vile kwa kuasi kwake mtu mmoja watu wengi walifanywa wenye dhambi; vivyo hivyo kwa kutii kwake mtu mmoja wengi watafanywa kuwa wenye haki”).

Lakini pia na tuutangaze ukweli wa Biblia kwamba uzoefu kamili na mtamu zaidi wa neema ya Mungu na ukaribu wa Mungu utafurahiwa na wale wanaojinyenyekeza kila siku na kumkaribia Mungu.