Kipaumbele cha Kwanza cha Maombi

"Basi salini hivi; Baba yetu uliye mbinguni, jina lako litukuzwe." (Mathayo 6:9)

Katika Sala ya Bwana, Yesu anafundisha kwamba jambo la kwanza katika kusali ni kumwomba Baba yetu wa mbinguni afanye jina lake litukuzwe. Ndani yetu. Kanisani. Katika ulimwengu. Kila mahali.

Tambua kwamba hili ni ombi. Sio tamko au pongezi. Si maneno ya kusifu, bali maombi. Kwa miaka mingi nilisoma vibaya Sala ya Bwana kana kwamba ilianza na sifa: “Sifu Mungu, jina la Bwana linaheshimiwa, linastahili, linatukuzwa!” Lakini sio kusifu. Ni dua. Ni ombi kwa Mungu kwamba ahakikishe kwamba jina lake mwenyewe litukuzwe.

Ni kama andiko jingine, Mathayo 9:38, ambapo Yesu anatuambia tumwombe Bwana wa mavuno kwamba atume watenda kazi katika mavuno yake mwenyewe. Siku zote inanistaajabisha kwamba sisi, sisi wafanyakazi, watendakazi shambani mwake, tunapaswa kuambiwa kumwomba mmiliki wa shamba, ambaye anajua mavuno vizuri zaidi kuliko sisi, kuongeza wafanyakazi zaidi.

Basi salini hivi; Baba yetu uliye mbinguni, jina lako litukuzwe!

Lakini je, hili si jambo lile lile tulilo nalo hapa katika Sala ya Bwana—Yesu anatuambia tumwombe Mungu, ambaye ana wivu usio na kikomo kwa ajili ya heshima ya jina lake mwenyewe, ahakikishe kwamba jina lake litukuzwe, ambalo linamaanisha kuheshimiwa, kusifiwa, kuinuliwa kama wa thamani kuu? 

Kweli inaweza kutushangaza, lakini ndivyo ilivyo. Na inatufundisha sisi mambo mawili.

1. Moja ni kwamba maombi hayamfanyi Mungu kufanya mambo ambayo hayuko tayari kuyafanya. Ana kila nia ya kusababisha jina lake litukuzwe. Hakuna kilicho juu katika orodha ya vipaumbele ya Mungu. Lakini tunapaswa kuomba hata hivyo.
   

2. Nyingine ni kwamba maombi ni njia ya Mungu ya kuleta vipaumbele vyetu viwe sawa na vyake. Mungu anataka kufanya mambo makubwa kuwa matokeo ya maombi yetu wakati maombi yetu ni matokeo ya makusudi yake makubwa. 

Leta moyo wako uwe sawa na wivu wa Mungu wa kulitukuza jina lake, na utaomba kwa ufanisi na matokeo mkubwa. Acha maombi yako ya kwanza na ya uamuzi wote yawe kwa ajili ya kutukuzwa kwa jina la Mungu, na maombi yako yataunganishwa na nguvu za wivu wa Mungu kwa ajili ya jina lake.