Kuvumilia Wakati Kutii Kunaumiza

Tukimtazama Yesu, mwenye kuanzisha na mwenye kutimiza imani yetu, ambaye kwa ajili ya furaha iliyowekwa mbele yake aliustahimili msalaba. (Waebrania 12:2)

Kile ambacho imani hufanya wakati mwingine ni kigumu sana hata kuneneka. 

Katika kitabu chake Miracle on the River Kwai, Ernest Gordon anasimulia hadithi ya kweli ya kikundi cha wafungwa wa vita walipokuwa wakifanya kazi kwenye Reli ya Burma wakati wa Vita vya Kidunia vya pili. 

Mwishoni mwa kila siku zana zilikusanywa kutoka kwenye chama cha kazi. Katika kipindi kimoja mlinzi wa Kijapani alipaza sauti kwamba koleo halipo na akataka kujua ni mwanamume gani aliyeichukua. Alianza kufoka na kupiga kelele, akijitia hasira na kuamuru yeyote aliye na hatia asonge mbele. Hakuna aliyesogea. “Wote wanakufa! Wote wanakufa!” alipiga kelele, akihema na kulenga bunduki yake kwa wafungwa. Wakati huo mtu mmoja akasogea mbele na mlinzi akampiga na bunduki yake hadi kufa huku akiwa amesimama kimya kwa makini. Waliporudi kambini, zana zilihesabiwa tena na hakuna koleo lililokosekana.

Ni nini kinachoweza kudumisha nia ya kufa kwa ajili ya wengine, wakati wewe huna hatia? Yesu alibebwa na kudumishwa katika upendo wake kwetu kwa “furaha iliyowekwa mbele yake.” Alitazamia juu ya baraka tukufu za baadaye na furaha, na hiyo ilimbeba na kumdumisha katika upendo kupitia mateso yake. 

Iweni imara sasa katika vyote mlivyopoteza kwa ajili ya Kristo, kwa ajili ya furaha iliyowekwa mbele yenu

Ole wetu ikiwa tunafikiri kwamba tunapaswa au tunaweza kuhamasishwa na kuimarishwa kwa utiifu mkali, wa gharama kwa nia iliyo juu zaidi kuliko furaha iliyowekwa mbele yetu. Yesu alipotaka utii wa gharama ambao ungehitaji dhabihu katika maisha haya, alisema katika Luka 14:14, “Utabarikiwa, kwa sababu wao hawana cha kukulipa. Kwa maana utalipwa katika ufufuo wa wenye haki.” Kwa maneno mengine, iweni imara sasa katika vyote mlivyopoteza kwa ajili ya Kristo, kwa ajili ya furaha iliyowekwa mbele yenu.

Petro alisema kwamba, Yesu alipoteseka bila kulipiza kisasi, alikuwa akituachia kielelezo cha kufuata—na hiyo inajumuisha uhakika wa Yesu katika furaha iliyowekwa mbele yake. Alimkabidhi Mungu jambo lake (1 Petro 2:21) na hakujaribu kusuluhisha hesabu kwa kulipiza kisasi. Alitazamia juu ya ufufuo na shangwe zote za kuunganishwa tena na Baba yake na ukombozi wa watu wake. Vivyo hivyo na sisi.