Kwa Nini Tunapaswa Kuwapenda Adui Zetu

"Wapendeni adui zenu, watendeeni mema wale wanaowachukia." (Luka 6:27)

Kuna sababu kuu mbili kwa nini Wakristo wanapaswa kuwapenda adui zao na kuwatendea mema.

Sababu ya kwanza ni kwamba linadhihirisha ukweli fulani kuhusu jinsi Mungu alivyo. Mungu ni wa rehema.

• Huliangazia jua lake juu ya waovu na wema, na huwanyeshea mvua wenye haki na wasio haki. (Mathayo 5:45)

• Yeye hatutendei sawasawa na dhambi zetu, wala hatulipi sawasawa na maovu yetu. (Zaburi 103:10)

• Iweni wafadhili ninyi kwa ninyi, wenye roho safi, mkasameheane ninyi kwa ninyi kama Mungu katika Kristo alivyowasamehe ninyi. (Waefeso 4:32)

Kwa hiyo, Wakristo wanapoishi kwa njia hii, kwa uwezo wa Mungu, tunaonyesha ukweli fulani wa jinsi Mungu alivyo.

Nguvu ya rehema ni kuridhika na rehema ya Mungu, ikilenga kumtukuza kwa kuwasaidia wengine, ili Mungu aonekane mkuu kwa mwanadamu kupitia upendo na rehema zake.

Sababu ya pili ni kwamba mioyo ya Wakristo imeridhika na Mungu na haisukumwi na tamaa ya kulipiza kisasi au kujikweza au pesa au usalama wa kidunia.

Mungu amekuwa hazina yetu ya kutosheleza yote na kwa hivyo hatuwatendei wapinzani wetu kwa hisia zetu za uhitaji na ukosefu wa usalama, bali nje ya utimilifu wetu na utukufu wa kuridhisha wa Mungu.

Waebrania 10:34 , “Mlikubali kwa furaha kunyang’anywa mali yenu [yaani, hamkulipiza kisasi adui zenu], kwa maana mlijua kwamba mnayo mali iliyo bora, zaidi idumuyo.” Kinachoondoa shuruti ya kulipiza kisasi ni imani yetu ya kina kwamba ulimwengu huu sio makao yetu, na kwamba Mungu ndiye thawabu yetu ya hakika kabisa na ya kuridhisha. Tunajua kwamba tuna “mali iliyo bora zaidi na inayodumu.”

Kwa hiyo, katika sababu hizi zote mbili za kuwapenda adui zetu tunaona jambo kuu: Mungu anaonyeshwa kuwa yeye hasa akiwa Mungu mwenye rehema na mwenye kuridhisha yote kwa utukufu.

Nguvu ya kuwa na rehema ni kwamba tumeridhika na rehema ya Mungu kwetu. Na sababu kuu ya kuwa na rehema ni kumtukuza Mungu, yaani, kuwasaidia wengine wamtukuze kwa ajili ya rehema yake. Tunataka kuonyesha kwamba Mungu ni mkuu. Tunataka upendo wetu, kwa rehema za Mungu, kumfanya Mungu aonekane mkuu machoni pa mwanadamu.