Maana 10 Za “Yahweh”

Vilevile Mungu akamwambia Musa, “Waambie Waisraeli, ‘Bwana, Mungu wa baba zenu, Mungu wa Ibrahimu, Mungu wa Isaki, na Mungu wa Yakobo amenituma kwenu.’ Hili ndilo Jina langu milele, Jina ambalo mtanikumbuka kwalo kutoka kizazi hadi kizazi.” (Kutoka 3:15).

Jina la Mungu mara nyingi hutafsiriwa kuwa "LORD" (herufi kubwa zote) katika Biblia ya Kiingereza. Lakini Kiebrania kingetamkwa kitu kama “Yahweh,” na inajengwa juu ya neno la “Mimi ndiye.”

Kwa hiyo kila mara tunaposikia neno Yahweh, au kila mara unapoona "LORD" katika Biblia ya Kiingereza, unapaswa kufikiria: hili ni jina halisi (kama Petro au Yohana) lililojengwa kutokana na neno la “Mimi ndiye” na kutukumbusha kila wakati Kwamba Mungu kweli ndiye.

Kuna angalau vitu 10 ambavyo jina Yahweh, "MIMI NDIYE," linasema juu ya Mungu:

1. Hakuwa na mwanzo. Kila mtoto anauliza, "Ni nani aliyemuumba Mungu?" Na kila mzazi mwenye hekima anasema, “Hakuna aliyemuumba Mungu. Mungu yuko tu. Na alikuwako daima. Hana mwanzo."

2. Mungu kamwe hana mwisho. Ikiwa hakuja kuwepo, hawezi kuisha kuwepo, kwa sababu yeye ni aliyeko.

3. Mungu ndiye uhalisia halisi. Hakuna uhalisia kabla yake. Hakuna uhalisia nje yake isipokuwa akipenda na kuumba. Yeye ndiye yote ambayo yalikuwa ya milele. Hakuna sayari, hakuna ulimwengu, hakuna utupu. Mungu pekee.

4. Mungu anajitegemea kabisa. Hategemei chochote kumleta au kumuunga mkono au kumshauri au kumfanya kuwa vile alivyo.

5. Kila kitu ambacho si Mungu kinamtegemea Mungu kabisa. Ulimwengu wote ni kitu cha pili kabisa. Kiliumbwa na Mungu na kinabaki kuwepo kila wakati kwa uamuzi wa Mungu wa kukiweka kiwepo.

6. Ulimwengu wote si kitu ukilinganishwa na Mungu. Uhalisia unaotegemea na ulioumbwa unalinganishwa na uhalisia wa milele usio na tegemezi kama kivuli kwa kitu halisi; kama mwangwi kwa ngurumo kuu. Kila kitu kinachotushangaza katika dunia na katika galaksi, kikilinganishwa na Mungu, ni kama si kitu.

7. Mungu ni wa kudumu. Ni yeye yule jana, leo, na hata milele. Hawezi kuboreshwa. Yeye hafanyiki chochote. Yeye ni Yeye alivyo.

8. Mungu ndiye kipimo cha mwisho cha kweli, wema, na uzuri. Hana kitabu cha sheria anachokitegemea ili ajue kilicho sahihi. Hana kalenda ya kuthibitisha ukweli wa mambo. Hana chama kinachoamua kilicho bora au kizuri. Yeye mwenyewe ndiye kipimo cha kilicho sahihi, kilicho kweli, na kilicho kizuri.

9. Mungu hufanya apendavyo na daima ni sahihi, ni nzuri, na mara zote hulingana na ukweli. Uhalisia wote ambao uko nje yake aliuumba, akaunda na kuutawala kama uhalisia kamili. Kwa hiyo yuko huru kabisa dhidi ya vikwazo vyovyote ambavyo havitokani na shauri la mapenzi yake mwenyewe.

10. Mungu ndiye uhalisia na mtu muhimu zaidi na wa thamani zaidi katika ulimwengu. Anastahili zaidi kupendezwa, kuzingatiwa, kupendwa, na kufurahiwa kuliko uhalisia mwingine wowote, ikiwemo ulimwengu mzima.