Mateso Yanayoponda Imani

“Hawana mizizi ndani yao, bali hudumu kwa muda; basi, ikitokea dhiki au adha kwa ajili ya lile neno, mara wao huiacha imani.” (Marko 4:17)

Imani ya wengine imevunjika badala ya kujengwa na mateso. Yesu alilijua hili na alieleza hapa katika mfano wa udongo wa aina nne. Watu wengine ambao hulisikia neno hulipokea kwanza kwa furaha, lakini mateso huwafanya waache njia.

Kwa hiyo, mateso hayafanyi imani kuwa na nguvu mara zote. Wakati mwingine huiponda imani. Na kisha kutimiza maneno ya kitendawili ya Yesu, "Yeye asiye na kitu, hata kile alicho nacho atachukuliwa" (Marko 4:25).

Ukidhani mateso yako hayana maana, utajitenga na Mungu. Ni muhimu kuamini kwamba Mungu hutoa neema kupitia mateso.

Huu ni wito kwetu kustahimili mateso kwa imani thabiti katika neema ya wakati ujao, ili kwamba imani yetu izidi kuwa na nguvu na isithibitishwe kuwa batili (1 Wakorintho 15:2). “Yeye aliye na kitu, ataongezewa” (Marko 4:25). Kujua mpango wa Mungu katika mateso ni mojawapo ya njia kuu za kukua kupitia mateso.

Ikiwa unafikiri mateso yako hayana maana, au kwamba Mungu hana udhibiti, au kwamba yeye ni mkatili, basi mateso yako yatakuondoa kutoka kwa Mungu, badala ya kukuondoa kutoka kwa kila kitu isipokuwa Mungu - kama inavyopaswa. Kwa hiyo, ni muhimu kwamba imani katika neema ya Mungu ijumuishe imani kwamba anatoa neema kupitia mateso.