Mbinu ya Shetani na Ulinzi Wako

Muwe na kiasi na kukesha, maana  adui yenu Ibilisi huzungukazunguka kama simba angurumaye akitafuta mtu ili apate kummeza. Mpingeni, mkiwa thabiti katika imani yenu. (1 Petro 5:8-9)

Maadui wawili wakuu wa nafsi zetu ni dhambi na Shetani. Na dhambi ni adui mbaya zaidi, kwa sababu njia pekee ambayo Shetani anaweza kutuangamiza ni kwa kutufanya tutende dhambi, na kutuzuia tusitubu. Kitu pekee kinachotuhukumu ni dhambi isiyosamehewa. Sio Shetani.

Mungu anaweza kumpa kifungo cha kutosha ili kutusumbua, jinsi alivyofanya Ayubu, au hata kutuua, jinsi alivyofanya watakatifu katika Smirna (Ufunuo 2:10); lakini Shetani hawezi kutuhukumu au kutuibia uzima wa milele. Njia pekee anayoweza kutudhuru ni kwa kutushawishi tutende dhambi, na kutuzuia tusitubu. Ambayo hasa ndiyo anacholenga kufanya.

Kwa hivyo, kazi kuu ya Shetani ni kutetea, kukuza, kusaidia, kutisha, na kuthibitisha mwelekeo wetu wa kutenda dhambi. Na kutuonda katika imani na kutuzuia kutubu.

Tunaona hilo katika Waefeso 2:1–2 : “Ninyi mlikuwa wafu kwa sababu ya makosa na dhambi zenu, mlizoziendea hapo kwanza . . . kulingana na mkuu wa uwezo wa anga” (NASB). Kutenda dhambi “kupatana” na nguvu za Shetani katika ulimwengu. Anapoleta uovu wa kimaadili, ni kupitia dhambi. Tunapotenda dhambi, tunasonga katika nyanja yake. Tunakuja kuwa na makubaliano naye. Tunapotenda dhambi, tunampa Ibilisi nafasi (Waefeso 4:27).

Kitu pekee kitakachotuhukumu katika siku ya hukumu ni dhambi isiyosamehewa - sio magonjwa au mateso au vitisho au ndoto au ndoto mbaya. Shetani analijua hili. Kwa hivyo, lengo lake kuu sio juu ya jinsi ya kuwatisha Wakristo na matukio ya ajabu (ingawa kuna mengi), lakini jinsi ya kupotosha Wakristo kwa mitindo isiyo na thamani na mawazo mabaya.

Shetani anataka kutukamata wakati ambapo imani yetu sio thabiti, wakati iko hatarini. Inaonesha kwamba kitu kile kile ambacho Shetani anataka kuharibu kingekuwa pia njia ya kupinga jitihada zake. Ndiyo maana Petro anasema, “Mpingeni huyo, mkiwa thabiti katika imani yenu” (1 Petro 5:9). Pia ndiyo sababu Paulo anasema kwamba "ngao ya imani " inaweza "kuzima mishale yote yenye moto ya yule mwovu" (Waefeso 6:16).

Njia ya kumzuia shetani ni kuimarisha kile ambacho anajaribu sana kukiharibu- imani yako.