Mifano ya Kupambana na Kukatishwa Tamaa

Mwili na moyo wangu vyaweza kushidwa, bali Mungu ni nguvu ya moyo wangu na fungu langu milele. (Zaburi 73:26)

Kwa kweli kitenzi sahihi ni kushindwa, sio "vyaweza kushindwa." Mtunga-zaburi huyu aliyekabidhiwa na Mungu, Asafu, asema, “Mwili wangu na moyo wangu umeshindwa! Nimekata tamaa! Nimevunjika moyo! Lakini mara moja anapiga kelele dhidi ya kukata tamaa kwake: “Lakini Mungu ni ngome ya moyo wangu na fungu langu milele.”

Mtunga-zaburi hakubali kuvunjika moyo. Anapigana na kutokuamini kwa mashambulizi ya kupinga.

Kimsingi, asema, “Ndani yangu mimi hujihisi dhaifu sana na kukosa msaada na siwezi kustahimili. Mwili wangu umepigwa, na moyo wangu unakaribia kufa. Lakini haijalishi nini ni sababu ya kukata tamaa huku, sitaikubali. Nitamtumaini Mungu na sio mimi mwenyewe. Yeye ni nguvu zangu na fungu langu.”

Biblia imejaa visa vya watakatifu wakipambana na roho zilizozama. Zaburi 19:7 inasema, “Sheria ya BWANA ni kamilifu, huhuisha nafsi.” Hii ni kukiri wazi kwamba nafsi ya mtakatifu wakati mwingine inahitaji kuhuishwa. Na ikiwa inahitaji kufufuliwa, ina maana ilikuwa “imekufa.” Ndivyo ilivyojisikia.

Daudi anasema jambo lile lile katika Zaburi 23:2–3, “Ananiongoza kando ya maji tulivu. Anairejesha nafsi yangu.” Nafsi ya “mtu anayeupendeza moyo [wa Mungu]” (1 Samweli 13:14) inahitaji kurejeshwa. Ilikuwa inakufa kwa kiu na tayari kuanguka kwa uchovu, lakini Mungu aliiongoza nafsi kumwagilia na kuipa uhai tena.

Mungu ameweka shuhuda hizi katika Biblia ili tuzitumie kupigana na kutokuamini kwa kukata tamaa. Na tunapigana kwa nguvu ya imani katika ahadi za Mungu:

“Mungu ni nguvu ya moyo wangu na fungu langu milele.” Tunajihubiria hivyo. Na tunaitupa kwenye uso wa Shetani. Na tunaiamini.