Mwisho wa Injili

Basi, kwa kuwa sasa tumehesabiwa haki kwa damu yake, si zaidi sana tutaokolewa kutoka ghadhabu ya Mungu kupitia kwake!  Kwa kuwa kama tulipokuwa adui wa Mungu tulipatanishwa naye kwa njia ya kifo cha Mwanawe, zaidi sana tukiisha kupatanishwa, tutaokolewa kwa uzima wake. Lakini zaidi ya hayo, pia tunafurahi katika Mungu kwa njia ya Bwana wetu Yesu Kristo, ambaye kupitia kwake tumepata upatanisho. (Warumi 5:9-11)

Tunahitaji kuokolewa kutoka katika nini? Mstari wa 9 unaeleza waziwazi: ghadhabu ya Mungu. "Basi, kwa kuwa sasa tumehesabiwa haki kwa damu yake, zaidi sana tutaokolewa na yeye kutoka katika ghadhabu ya Mungu." Lakini je, hiyo ndiyo zawadi ya juu zaidi, bora zaidi, kamilifu zaidi, yenye kuridhisha zaidi ya injili?

Hapana. Mstari wa 10 unasema “zaidi sana . . . tutaokolewa kwa uzima wake.” Kisha mstari wa 11 unafikia mwisho wa juu kabisa na lengo kuu la injili: “ zaidi ya hayo tunafurahi pia katika Mungu". 

Hiyo ndiyo habari njema ya mwisho na ya juu kabisa. Hakuna "zaidi ya hiyo" baada ya hapo. Kuna maneno pekee ya Paulo kuhusu jinsi tulivyofika hapo, "kupitia Bwana wetu Yesu Kristo, ambaye kupitia kwake sasa tumepokea upatanisho."

Mwisho wa injili ni “tunafurahi katika Mungu.”

Wema wa juu zaidi, kamili zaidi, wa ndani zaidi, mtamu zaidi wa injili ni Mungu mwenyewe, anayefurahiwa na watu wake waliokombolewa. 

Mungu katika Kristo akawa gharama (Warumi 5:6–8), na Mungu katika Kristo akawa tuzo  (Warumi 5:11).

Injili ni habari njema kwamba Mungu ametununulia furaha ya milele ya ndani ya Mungu.