Mzizi Imara wa Upendo wa Kivitendo

Tunajua kwamba tumepita kutoka katika kifoni na kuingia uzimani, kwa sababu tunawapenda ndugu. (1 Yohana 3:14)

Kwa hiyo, upendo ni ushahidi kwamba tumezaliwa mara ya pili - kwamba sisi ni Wakristo, kwamba tumeokolewa.

Wakati mwingine Biblia hufanya utakatifu wetu na upendo wetu kwa watu kuwa hali ya wokovu wetu wa mwisho. Kwa maneno mengine, ikiwa sisi sio watakatifu na hatuna upendo, hatutaokolewa siku ya hukumu (kwa mfano, Waebrania 12:14; Wagalatia 5:21; 1 Wakorintho 6:10). Hii haimaanishi kwamba matendo ya upendo ni jinsi tunavyopata haki na Mungu. Hapana, Biblia iko wazi tena na tena kama Waefeso 2:8–9 inavyosema, “Kwa neema mmeokolewa kwa njia ya imani. Na hii sio kazi yako mwenyewe; ni kipawa cha Mungu, wala sio kwa matendo, mtu awaye yote asije akajisifu.” Hapana, Biblia inaposema kwamba tunaokolewa kwa imani lakini kwamba ni lazima tuwapende watu ili hatimaye tupate kuokolewa, ina maana kwamba imani katika ahadi za Mungu lazima iwe halisi hivi kwamba upendo unaotokeza uthibitishe ukweli wa imani. 

Kwa hiyo, upendo kwa wengine ni shariti la neema ya wakati ujao kwa maana ya kwamba unathibitisha kwamba sharti la msingi, imani, ni la kweli. Tunaweza kuita upendo kwa wengine ni kigezo cha pili, ambayo inathibitisha ukweli wa hali ya msingi na muhimu ya imani ambayo pekee hutuunganisha kwa Kristo, na kupokea nguvu zake.

Mungu mkuu wa neema hutimiza ahadi zake kwa wanaomtumaini, akionyesha uzuri na utoshelevu wake, na kutupa nguvu ya kupenda kwa vitendo

Imani inatambua utukufu wa Mungu katika ahadi za neema ya wakati ujao na inakumbatia yote ambayo ahadi hufunua kile ambacho Mungu ni kwa ajili yetu katika Yesu. Hilo jicho la kiroho kwa utukufu wa Mungu, na furaha yetu ndani yake, ni ushahidi unaojithibitisha wenyewe kwamba Mungu ametuita tuwe warithi wa neema yake. Ushahidi huu unatuweka huru kutazamia ahadi ya Mungu kama ya kwetu. Na huku kuzitumainia ahadi hutuwezesha kupenda. Ambayo nayo inathibitisha kwamba imani yetu ni ya kweli. 

Ulimwengu unatamani sana imani inayochanganya mambo mawili: mwonekano wa kushangaza wa Ukweli wa kimungu usiotikisika, na nguvu za vitendo kabisa, za kila saa za kuleta mabadiliko ya ukombozi katika maisha. Hiyo ndiyo ninayotaka pia. Na ndio sababu mimi ni Mkristo. 

Kuna Mungu mkuu wa neema ambaye hutukuza uzuri wake usio na mwisho na utoshelevu kwa kutimiza ahadi kwa watu wasiojiweza wanaomtumaini. Na kuna nguvu inayotokana na kumthamini huyu Mungu ambayo haiachi sehemu yoyote ya maisha bila kuguswa. Inatuwezesha kupenda kwa njia za vitendo zaidi.