Nini Maana ya Kumpenda Mungu

Ee Mungu, wewe ni Mungu wangu; nakutafuta kwa bidii; nafsi yangu ina kiu kwa ajili yako; mwili wangu unazimia kwa ajili yako, kama katika nchi kavu na uchovu, isiyo na maji. Kwa hiyo nimekutazama wewe katika hekalu, nikiziona nguvu na utukufu wako. (Zaburi 63:1-2)

Mungu pekee ndiye atautosheleza moyo kama wa Daudi. Naye Daudi alikuwa mtu mwenye moyo unaompendeza Mungu. Hivyo ndivyo tulivyoumbwa kuwa.

Hiki ndicho kiini cha maana ya kumpenda Mungu: kutosheka ndani yake. Ndani yake — sio karama zake tu, bali Mungu mwenyewe, kama mtu mtukufu alivyo!

Kumpenda Mungu kutajumuisha kutii amri zake zote; itajumuisha kuamini neno lake lote; itajumuisha kumshukuru yeye kwa karama zake zote. Lakini yote hayo ni mafuriko. Kiini cha kumpenda Mungu ni kuvutiwa na kufurahia yote yeye jinsi alivyo. Na ni kumfurahia Mungu kunakofanya majibu yetu mengine yote kuwa ya kweli katika kumtukuza.

Sisi sote tunajua hili kwa kuhisi na kutoka kwa Maandiko. Je, tunajisikia kuheshimiwa zaidi na upendo wa wale wanaotutumikia kutokana na vikwazo vya wajibu, au kutokana na furaha ya ushirika?

Mke wangu anaheshimiwa sana ninaposema, “Ninafurahi kutumia mda kuwa pamoja nawe.” Furaha yangu ni mwangwi wa ubora wake. Na ndivyo ilivyo kwa Mungu. Anatukuzwa zaidi ndani yetu tunaporidhika zaidi ndani yake.

Hakuna hata mmoja wetu ambaye amefikia utoshelevu kamili katika Mungu. Mara nyingi mimi huhuzunika juu ya manung'uniko ya moyo wangu ninapopoteza faraja au urahisi wa kidunia. Lakini nimeonja ya kuwa Bwana ni mwema. Kwa neema ya Mungu sasa najua chemchemi ya furaha ya milele.

Na kwa hivyo napenda kutumia siku zangu kuwavuta watu katika furaha hadi waseme nami, “Jambo moja nimemwomba Bwana, hili ndilo ninalolitafuta, niweze kukaa nyumbani mwa Bwana siku zote za maisha yangu, niutazame uzuri wa Bwana, na kumtafuta hekaluni mwake” (Zaburi 27:4).