Sisi sote Tunahitaji Msaada

Basi na tukikaribie kiti cha neema kwa ujasiri, ili tupate rehema na kupata neema ya kutusaidia wakati wa mahitaji. (Waebrania 4:16)

Kila mmoja wetu anahitaji msaada. Sisi sio Mungu. Tuna mahitaji. Tuna udhaifu. Tuna kuchanganyikiwa. Tuna mapungufu ya kila aina. Tunahitaji msaada.

Lakini kila mmoja wetu ana kitu kingine: Tuna dhambi. Na kwa hiyo chini ya mioyo yetu tunajua kwamba hatustahili msaada tunaohitaji. Na kwa hivyo tunahisi tumenaswa. 

Nahitaji masaada  kuishi maisha yangu, na kukabiliana na kifo, na kukabiliana na umilele - msaada na familia yangu, mwenza wangu, watoto wangu, upweke wangu, kazi yangu, afya yangu, fedha zangu. Nahitaji msaada. Lakini sistahili msaada ninaohitaji.

Kwa hiyo naweza kufanya nini? Ninaweza kujaribu kukataa yote na kuwa mwanaume au mwanamke shupavu mwenye uwezo zaidi, ambaye hahitaji msaada wowote. Au naweza kujaribu kuyazamisha yote na kuyatupa maisha yangu kwenye dimbwi la anasa za kimwili. Au naweza tu kutoa nafasi kwa kupooza wa kukata tamaa.

Lakini Mungu anatangaza juu ya hali hii isiyo na tumaini: Yesu Kristo alifanyika Kuhani Mkuu ili kuvunja kukata tamaa kwa tumaini, na kumnyenyekea mtu huyo mkuu au mwanamke mkuu, na kumwokoa yule mnyonge anayezama.

Ndiyo, sisi sote tunahitaji msaada. Ndiyo, hakuna hata mmoja wetu anayestahili msaada tunaohitaji. Lakini hakuna kukata tamaa na kiburi na uchoyo. Angalia Mungu anasema nini. Kwa sababu tuna Kuhani Mkuu, kiti cha enzi cha Mungu ni kiti cha neema. Na msaada tunaoupata kwenye kiti hicho cha neema ni rehema na neema ya kusaidia wakati wa uhitaji. Neema ya kusaidia! Msaada usiostahili - msaada wa neema. Ndiyo maana Kuhani Mkuu, Yesu Kristo, alimwaga damu yake mwenyewe.

Hujanaswa. Sema hapana kwa udanganyifu huo. Tunahitaji msaada. Hatuustahili. Lakini tunaweza kuupata. Unaweza kuwa nayo sasa hivi na hata milele. Ikiwa utampokea na kumwamini Kuhani wako Mkuu, Yesu Mwana wa Mungu, na kumkaribia Mungu kupitia kwake.