Tunaheshimu Kile Tunachokifurahia

“Ukiugeuza mguu wako usiiache sabato, usifanye anasa yako katika siku yangu takatifu, na kuiita sabato siku ya furaha na siku takatifu ya BWANA yenye heshima; ukiiheshimu, sio kwenda katika njia zako mwenyewe, au kutafuta anasa yako mwenyewe, au kunena kwa uvivu; ndipo utajifurahisha katika Bwana, nami nitakuendesha juu ya vilele vya dunia.” (Isaya 58:13-14)

Inawezekana kumfuata Mungu bila kumtukuza Mungu.

Ikiwa tunataka safari yetu ya kumheshimu Mungu imtukuze, ni lazima tumtafute kwa furaha ya ushirika pamoja naye.

Fikiria Sabato kama kielelezo cha hili. Bwana anawakemea watu wake kwa kutafuta raha zao katika siku yake takatifu. “Ugeuze mguu wako usiiache sabato, usifanye anasa yako katika siku yangu takatifu. Lakini anamaanisha nini? Je, anamaanisha kwamba hatupaswi kutafuta furaha yetu katika Siku ya Bwana? La, kwa sababu jambo linalofuata analosema ni, "Uiite Sabato siku ya furaha!” Na katika mstari wa 14, “Utajifurahisha katika Bwana.” Kwa hiyo anachokosoa ni kwamba wanafurahia biashara zao wenyewe siku ya Sabato badala ya kufurahia uzuri wa Mungu wao na pumziko na utakatifu ambao siku hii inasimamia.

Sio kwamba anaikemea furaha yao. Anakemea udhaifu wa furaha hiyo. Kama CS Lewis alivyosema, "Tunafurahishwa kwa urahisi sana." Wameridhika na maslahi ya kiulimwengu na hivyo wanatoa heshima katika hayo kuliko kwa Bwana.

Ona kwamba kuiita Sabato “furaha” ni sambamba na kuita siku takatifu ya Bwana  kuwa ni ya “heshima.” “Ikiwa . . . iiteni Sabato siku ya furaha na siku takatifu ya Bwana yenye heshima . . .” Hii inamaanisha kuwa unaheshimu kile unachokifurahia. Au unatukuza kile unachokifurahia. 

Kumfurahia Mungu na kumtukuza Mungu ni kitu kimoja. Kusudi lake la milele na furaha yetu ya milele huungana katika uzoefu mmoja wa ibada. Hii ndiyo maana ya Siku ya Bwana. Kwa kweli, hili ndilo kusudi la kweli la maisha yetu yote.