Unirehemu, Ee Mungu

Ee Mungu, unihurumie, kwa kadri yaupendo wako usiokoma; kwa kadri ya huruma yako, uyafute makosa yangu. (Zaburi 51:1)

Anarudia mara tatu: “Unihurumie,” “kulingana na fadhili zako zenye upendo,” na “kulingana na wingi wa rehema zako.” 

Hivi ndivyo Mungu alivyoahidi katika Kutoka 34:6-7 :

"Bwana, Bwana, Mungu mwingi wa rehema na neema, si mwepesi wa hasira, mwingi wa rehema na uaminifu, mwenye kuwahurumia maelfu, mwenye kusamehe uovu na makosa na dhambi; asiyemhesabia mwenye hatia kamwe."

Daudi alijua kwamba kulikuwa na wenye hatia ambao hawangesamehewa. Na kulikuwa na wenye hatia ambao kwa kazi fulani ya ajabu ya ukombozi hawangelihesabiwa kuwa na hatia, lakini wangelisamehewa. Zaburi 51 ni njia yake ya kushikilia siri hiyo ya rehema.

“Ee Mungu, unihurumie, kwa kadri yaupendo wako usiokoma; kwa kadri ya huruma yako, uyafute makosa yangu.” Tunajua zaidi siri ya ukombozi huu kuliko Daudi alivyojua. Tunamjua Kristo. Lakini tunashikilia rehema kwa njia sawa naye Daudi. 

Jambo la kuamua analofanya ni kugeuka, akiwa bila msaada, kwa rehema na upendo wa Mungu.

Leo inamaanisha kugeuka, ukiwa bila msaada, kwa Kristo, ambaye damu yake inalinda rehema zote tunazohitaji.