Upendo Kamili, Wenye Enzi, Wenye Nguvu Zote

"Bwana, Bwana, Mungu mwingi wa huruma na neema, si mwepesi wa hasira, mwingi wa rehema na uaminifu." (Kutoka 34:6)

Mungu ni mwingi wa upendo thabiti na uaminifu. 

Picha mbili huja akilini mwangu:

1. Moyo wa Mungu ni kama chemchemi isiyoisha ya maji ambayo hububujisha upendo na uaminifu kwenye kilele cha mlima. Karne baada ya karne chemchemi inaendelea kutiririka.

2. Au moyo wa Mungu ni kama volkano inayowaka moto sana kwa upendo kiasi kwamba inapasua kilele cha mlima na kutiririka mwaka baada ya mwaka pamoja na lava ya upendo na uaminifu.

Mungu anapotumia neno “kuzidi”—“kuzidi kwa upendo usio na kipimo na uaminifu”—anataka tuelewe na kuhisi kwamba rasilimali za upendo wake hazina kikomo. Unaweza kunywa kwenye chemchemi hii ya mlima siku nzima, mwaka baada ya mwaka, kizazi baada ya kizazi, na haikauki kamwe. 

Mungu hatuhitaji sisi, bali kujitosheleza kwake kusiko na kikomo kumemwagika kwa upendo kwetu wenye dhambi tunaomhitaji yeye, na zawadi ya nafsi yake katika Yesu

Unaweza hata kusema kwamba Mungu ni kama serikali ambayo huchapisha pesa nyingi kunapokuwa na uhitaji. Haina mwisho, sio? Naam, kuna tofauti. Mungu ana hazina isiyo na kikomo ya upendo wa dhahabu wa luidhinisha sarafu zote anazochapisha. Serikali iko katika ulimwengu wa ndoto, wa 'labda'. Mungu anategemea kwa uhalisia rasilimali zisizo na kikomo za uungu wake.

Uwepo kamili, uhuru wa enzi, na uweza wa Mungu ni ukamilifu wa volkano inayolipuka kwa wingi wa upendo. Utukufu wa Mungu unamaanisha kwamba hatuhitaji sisi ili kujaza upungufu wowote ndani yake. Badala yake, kujitosheleza kwake kusiko na kikomo kumemwagika kwa upendo kwetu — kwa wenye dhambi — ambao wanaomhitaji yeye, na zawadi ya nafsi yake katika Yesu.

Tunaweza kutegemea upendo wake hasa kwa sababu tunaamini katika uwepo wake kamili, uhuru wa enzi yake kuu, na uweza wake usio na mipaka.