Usiufanye Moyo Wako Kuwa Mgumu

[Mungu] aliapa kwa nani kwamba hawataingia katika pumziko lake, isipokuwa wale walioasi? Kwa hiyo tunaona kwamba hawakuweza kuingia kwa sababu ya kutokuamini. (Waebrania 3:18-19)

Ijapokuwa watu wa Israeli waliona maji ya Bahari ya Shamu yakigawanyika na kutembea katikati ya Bahari kwenye nchi kavu, mara tu walipoona kiu, mioyo yao ilikuwa migumu dhidi ya Mungu na hawakumtegemea yeye kuwatunza. Walipiga kelele dhidi yake na kusema kwamba maisha katika Misri ni bora.

Hiyo ndiyo sababu hasa kwanini kitabu cha Waebrania kiliandikwa ili kuweza kuzuia hili. Ah, ni wangapi wanaojiita Wakristo wanapoanza na Mungu. Wanasikia kwamba dhambi zao zinaweza kusamehewa na kwamba wanaweza kuepuka jehanamu na kwenda mbinguni. Wanasema: “Ninapata hasara gani? Nitaamini.”

Lakini basi katika wiki moja au mwezi au mwaka au miaka kumi, mtihani huja - msimu wa kutokuwa na maji katika jangwa. Kuichoka mana. Na kwa hila tamaa iliyoongezeka ya anasa za muda mfupi za Misri, kama vile Hesabu 11:5-6 inavyosema, “Tunakumbuka samaki tuliokula huko Misri wasiogharimu vitu, matango, na matikiti, na vitunguu, na vitunguu saumu. Lakini sasa nguvu zetu zimekauka, na hakuna kitu chochote ila mana hii ya kutazama.”

Hii ni hali ya kutisha kuwa ndani yake - kujikuta huna hamu tena na Kristo na neno lake na maombi na ibada na misheni na kuishi kwa utukufu wa Mungu. Na kuziona anasa zote za muda mfupi za ulimwengu huu kuwa za kuvutia zaidi kuliko mambo ya Roho.

Ni hali ya kutisha mtu anapopendelea anasa za muda mfupi za ulimwengu kuliko Kristo, neno lake, maombi, ibada, misheni, na kuishi kwa utukufu wa Mungu.

Ikiwa hiyo ndiyo hali yako, ninakusihi umsikilize Roho Mtakatifu akizungumza katika andiko hili. "Hawakuweza kuingia kwa sababu ya kutoamini!" Zingatia na ulisikie neno la Mungu. Usifanye moyo wako kuwa mgumu. Amka utoke katika udanganyifu wa dhambi. Mtazame Yesu, mtume na kuhani mkuu wa ungamo letu kuu, shikeni sana ujasiri wenu na tumaini lenu lililo ndani yake.

Na ikiwa hujawahi hata kuanza na Mungu, basi weka tumaini lako kwake. Geuka kutoka kwa dhambi na kutoka kwa kujitegemea na uweke tumaini lako kwa Mwokozi mkuu. Mambo haya yameandikwa ili mpate kuamini na kustahimili na kuishi.