Uzoefu Wetu wa Roho Unatokana na Imani

Je! Mungu huwapa Roho wake na kufanya miujiza katikati yenu kwa sababu mnatii sheria, au kwa sababu mnaamini kile mlichosikia? (Wagalatia 3:5)

Kila Mkristo anaye Roho Mtakatifu ndani yake. Mtume Paulo alisema, “Yeyote asiye na Roho wa Kristo sio wa kwake” (Warumi 8:9). Roho alikuja kwako mara ya kwanza ulipoamini ahadi za Mungu zilizonunuliwa kwa damu. Na Roho anaendelea kuja, na anaendelea kufanya kazi kwa namna hiyo hiyo.

Kwa hiyo Paulo anauliza, kwa kejeli katika Wagalatia 3:5, “Je! Mungu huwapa Roho wake na kufanya miujiza kati yenu kwa sababu mnatii sheria, au kwa sababu mnaamini kile mlichosikia? Jibu: "Kwa kusikia kwa imani."

Kwa hiyo, Roho alikuja mara ya kwanza, na anaendelea kusambazwa, kwa njia ya imani. Chochote anachofanya ndani na kupitia kwetu ni kwa imani.

Ikiwa wewe ni kama mimi, unaweza kuwa na hamu kubwa mara kwa mara kwa ajili ya kazi kubwa ya Roho Mtakatifu katika maisha yako. Labda unamlilia Mungu kwa ajili ya kumwagwa kwa Roho katika maisha yako au katika familia yako au kanisa au jiji lako. Vilio kama hivyo ni sawa na vyema. Yesu alisema, “Si zaidi sana Baba yenu aliye mbinguni atawapa Roho Mtakatifu wale wamwombao! (Luka 11:13).

Lakini kitu ambacho nimekuja kukifahamu mara nyingi katika maisha yangu mwenyewe ni kushindwa kujifungua kwa kipimo kamili cha kazi ya Roho kwa kuamini ahadi maalum za Mungu. Simaanishi tu ahadi kwamba Roho atakuja tunapoomba. Ninamaanisha ahadi nyingine zote za thamani ambazo sio za moja kwa moja kuhusu Roho lakini, pengine, kuhusu ugavi wa Mungu kwa jili ya maisha yangu ya baadaye - kwa mfano, " Naye Mungu wangu atawajaza ninyi na kila mnachohitaji" (Wafilipi 4:19). Roho wa Mungu hutolewa kwa njia inayoendelea na yenye nguvu kwa usahihi kupitia matendo maalum ya imani katika ahadi mahususi kwa hali maalum. Je, ninamwamini sasa hivi atafanya kile ambacho ameahidi kufanya?

Hiki ndicho kinachokosekana katika uzoefu wa Wakristo wengi wanapotafuta nguvu za Roho katika maisha yao. Roho hutolewa kwetu "kwa kusikia kwa imani" ( Wagalatia 3: 5 ) - sio tu imani katika ahadi moja au mbili kuhusu Roho mwenyewe, lakini juu ya uwepo wa Mungu unaoridhisha nafsi katika siku zijazo kufanya kwa ajili yetu; na kuwa kwa ajili yetu, chochote tunachohitaji.