Vyanzo Saba VYa Furaha

Katika dhiki zetu zote, ninafurika na furaha. (2 Wakorintho 7:4)

Jambo la ajabu kuhusu Paulo ni jinsi furaha yake ilivyokuwa ya kudumu wakati mambo yalikuwa hayaendi sawa.

Hii ilitoka wapi?

Kwanza kabisa ilifundishwa na Yesu: “Mmebarikiwa ninyi watu watakapowachukia. . . . Furahini katika siku hiyo, na kurukaruka, kwa shangwe, tazama, thawabu yenu ni kubwa mbinguni ” (Luka 6:22–23). Matatizo kwa ajili ya Yesu huongeza shauku yako mbinguni - ambayo hudumu muda mrefu zaidi kuliko dunia.

Pili, inatoka kwa Roho Mtakatifu, sio juhudi zetu wenyewe au mawazo au malezi ya familia. “ Tunda la Roho ni . . . furaha ” (Wagalatia 5:22). “Mlipokea neno katika dhiki nyingi, pamoja na furaha ya Roho Mtakatifu ” (1 Wathesalonike 1:6).

Tatu, inatokana na kuwa mali ya ufalme wa Mungu. "Ufalme wa Mungu sio kula na kunywa, bali ni haki na amani na furaha katika Roho Mtakatifu " (Warumi 14:17).

Nne, huja kwa njia ya imani, yaani, kutoka katika kumwamini Mungu. “Mungu wa tumaini na awajaze ninyi furaha yote na amani katika kuamini ” (Warumi 15:13). “Najua ya kuwa nitabaki na kudumu pamoja nanyi nyote, kwa ajili ya maendeleo yenu na furaha katika imani ” (Wafilipi 1:25).

Tano, inatokana na kumwona na kumjua Yesu kama Bwana. "Furahini katika Bwana siku zote" (Wafilipi 4:4).

Sita, inatoka kwa waumini wenzetu wanaojitahidi sana kutusaidia kukazia fikira vyanzo hivyo vya shangwe, badala ya hali za udanganyifu. "Tunafanya kazi pamoja nanyi kwa ajili ya furaha yenu " (2 Wakorintho 1:24).

Saba, inatoka kwa athari za utakaso unaotokana na dhiki. “Tunafurahi katika mateso, tukijua ya kuwa dhiki huleta saburi, na saburi huleta uthabiti, na uthabiti huleta tumaini” (Warumi 5:3-4).

Ikiwa bado hatuko kama Paulo anaposema, “Ninafurika na shangwe," anatupa sisi wito wa kuwa hivyo. “Igeni mfano wangu, kama ninavyouiga mfano wa Kristo” (1 Wakorintho 11:1). Na kwa wengi kwetu huu ni mwito wa kufanya maombi ya dhati. Kwa sababu maisha ya furaha katika Roho Mtakatifu ni maisha ya kiungu yapitayo uzoefu wa kawaida.

Maisha ya furaha katika Roho Mtakatifu ni maisha ya kiungu yapitayo uzoefu wa kawaida.