Wakati Akili Inapotumikia Uasi

Mtu mvivu husema, “Kuna simba nje! Nitauawa mitaani!” (Mithali 22:13)

Sivyo nilivyotarajia methali iseme. Ningetarajia ingesema, “Mwoga anasema, 'Kuna simba nje! nitauawa mtaani!’” Lakini inasema, “mvivu,” si “mwoga.” Kwa hiyo, hisia za kudhibiti hapa ni uvivu, sio hofu. 

Lakini uvivu una uhusiano gani na hatari ya simba mitaani? Kwa kawaida hatusemi, “Mtu huyu ni mvivu sana kwenda kufanya kazi yake kwa sababu kuna simba nje.”

Jambo ni kwamba mvivu hutengeneza mazingira ya kufikirika ili kuhalalisha kutofanya kazi yake, na hivyo kuhamisha mwelekeo kutoka kwa sauti ya uvivu wake hadi hatari ya simba. Hakuna mtu atakayeidhinisha kukaa kwake nyumbani siku nzima kwa sababu ya uvivu pekee. Lakini wanaweza kumpa udhuru ikiwa kuna simba mtaani.

Mioyo yetu hutumia akili zetu kuhalalisha matamanio yetu, ili yaonekane sawa, hata kama sio.

Ufahamu mmoja wa kina wa kibiblia tunaohitaji kujifunza kutokana na hili ni kwamba mioyo yetu hutumia akili zetu kuhalalisha kile tunachotaka. Hivyo basii, matamanio yetu ya ndani kabisa yanatangulia utendakazi mzuri wa akili zetu na kuelekeza akili kuona na kufikiria kwa njia ambayo itafanya matamanio yaonekane sawa, hata ikiwa sio sawa.

Hivi ndivyo mtu mvivu anafanya. Anatamani sana kukaa nyumbani na asifanye kazi. Hana sababu ya maana ya kukaa nyumbani. Kwa hiyo, anafanya nini? Je, anaishinda tamaa yake mbaya - uvivu wake? La, yeye hutumia akili yake kutengeneza hali zisizo za kweli ili kutetea matamaaniyo yake.

Yesu alisema, “Nuru imekuja ulimwenguni, nao watu wakapenda giza kuliko nuru kwa sababu matendo yao ni maovu.” (Yohana 3:19). Tunapenda giza ili tuweze kuendelea kufanya kile tunachotaka bila kuanikwa hadharani. Katika hali hii, akili inakuwa kiwanda cha giza - Chemchemi ya nusu-kweli, ukwepaji, ujanja wa kisomi, hila, na uongo — chochote ili kulinda tamaa mbaya za moyo zisifichuliwe wala kuangamizwa.

Zingatia kwa umakini na uwe na hekima.