Wokovu wa Paulo Ulikuwa Kwa Ajili Yako

Ingawa hapo mwanzo nilimkufuru na kumtesa na kumtukana, nilihurumiwa kwa sababu nilitenda hayo katika ujinga wangu na kutoku amini kwangu. Na neema ya Bwana wetu ilimiminika tele kwa ajili yangu pamoja na imani na upendo uliomo ndani ya Kristo Yesu…. nilihurumiwa kwa sababu hii kwamba, kwa kunitumia mimi niliyekuwa mwenye dhambi kuliko wote, Kristo aonyeshe uvumilivu wake, niwe mfano kwa wote watakaomwamini na kupata uzima wa milele.  (1 Timotheo 1:13–14, 16)

Uongofu wa Paulo ulikuwa kwa ajili yako. Umesikia hiyo? Narudia tena: “Kwa ajili hiyo nalipata rehema, ili Kristo apate kuonyesha uvumilivu wa ukamilifu wake, kuwa kielelezo kwa wale watakaomwamini hata uzima wa milele.” Ni sisi - wewe na mimi.

Natumai utasikia hii kibinafsi zaidi.

Mungu alikuwa anakuwaza wewe alipomchagua Paulo na kumwokoa kwa neema yake kuu kama alivyofanya.

Ikiwa unamwamini Yesu kwa uzima wa milele - au ikiwa bado unaweza kumwamini kwa uzima wa milele - kuongoka kwa Paulo ni kwa ajili yako. Hoja ya uongofu wake kutokea jinsi ulivyotokea ni kufanya subira ya ajabu ya Kristo iwe dhahiri kwako.

Kumbuka kwamba maisha ya Paulo kabla ya kuongoka yalikuwa majaribu marefu, marefu kwa Yesu. “Kwa nini unanitesa?” Yesu alimuuliza kwenye barabara ya Damasko (Matendo 9:4). "Maisha yako ya kutoamini na uasi ni mateso kwangu!" Na bado Paulo anatuambia katika Wagalatia 1:15 kwamba alikuwa ametengwa na Mungu kwa ajili ya utume wake tangu kabla hajazaliwa. Hiyo ni ajabu. Ina maana kwamba maisha yake yote hadi kufikia hatua ya kuongoka kwake yalikuwa ni matumizi mabaya ya muda mrefu ya Mungu, na kumkataa kwa muda mrefu na kumdhihaki Yesu - ambaye alimchagua kuwa mtume kabla hajazaliwa.

Ndiyo maana Paulo anasema kuongoka kwake ni onyesho zuri sana la uvumilivu wa Yesu. Na hicho ndicho anachotupatia leo.

Ilikuwa kwa ajili yetu Yesu alimwokoa Paulo kwa wakati na kwa jinsi alivyofanya. Ili "kuonyesha uvumilivu wake kamilifu" kwetu (1 Timotheo 1:16). Tusije tukapoteza tumaini. Tusije tukafikiri kwamba hasingeweza kutuokoa kweli. Tusije tukadhani ana tabia ya kukasirika. Tusije tukadhani tumekwenda mbali sana. Tusije tukafikiri mpendwa wetu hawezi kuongoka - ghafla, bila kutazamiwa, kwa neema kuu ya Yesu, inayofurika.