Yesu Alikufa kwa Ajili ya Wakati Huu

Nimesulubishwa pamoja na Kristo. Si mimi tena ninayeishi, bali Kristo anaishi ndani yangu. Na uhai nilio nao sasa katika mwili, ninaishi katika imani ya Mwana wa Mungu, ambaye alinipenda na kujitoa nafsi yake kwa ajili yangu. (Wagalatia 2:20)

Wakati kengele ilipo lia saa 4:59 asubuhi hii, nilikuwa nina wazo la haraka sana la ukweli wa kufa na kusimama mbele ya Mungu mtakatifu kabisa bila chochote cha kunisifu isipokuwa maisha yangu mwenyewe. 

Uoga wake ulizidiwa tu na mwanga wa ukweli: Yesu Kristo alikufa kwa ajili ya wakati huu hasa. 

Kisha ikapotea.

Hisia yangu ya haraka ilikuwa: Hii ndiyo kiini cha kile kinachotokea kila wakati mtu anapo badilishwa. Hivi ndivyo Yesu Kristo anavyogunduliwa kuwa halisi. Hivi ndivyo mtu anavyo jifunza kuthamini upendo wa Kristo. Ghafla, kwa mara ya kwanza, wanaona na kuhisi, kwa macho ya mioyo yao, ukweli usiopingika wa kukutana na Mungu wakiwa na dhamiri yenye hatia.

katika zama hizi, injili ya Yesu Kristo inang'aa zaidi—‘aliyenipenda na kujitoa kwa ajili yangu’. Nilihitaji Mwokozi, na Yesu pekee ndiye anayefaa.

Athari ya maono hayo ni ya kusikitisha sana. Inatufanya tujue kwamba tumaini letu pekee ni Mpatanishi. Tukiwa peke yetu, bila chochote cha kutuelekeza isipokuwa maisha yetu ya dhambi, tumepotea kabisa. Ikiwa kuna tumaini lolote la milele mbele ya Mungu huyu, tutahitaji Mkombozi, Mbadala, Mwokozi.

Katika wakati huu wa mgogoro mkubwa, hakuna kinachong’aa kama injili ya Yesu Kristo — “aliyenipenda na kujitoa kwa ajili yangu” (Wagalatia 2:20). Katika sekunde moja kabla ya yeye kufika, nili ruhusiwa kuona giza lote linalo meza na hofu ya hukumu — si hitimisho la kitheolojia, si hitimisho la kiakili tu, si wazo tu, bali ni mwanga wa ndani uliojaa ufahamu, hisia, na uhakika.

Mungu wetu ni moto unaoteketeza. Hataangalia uovu. Tumepotea kabisa. Hatia yangu ilikuwa kubwa sana, halisi sana, isiyo na shaka katika sekunde hiyo, kwamba hakuna uwezekano hata kidogo wa kutoa visingizio. Ilikuwa ya ghafla na iliyoenea kila mahali na isiyo na matumaini kabisa.

Katika hatua hii Yesu pekee ndiye anayefaa. Ee Yesu! Ee Yesu! Je, moyo wangu unaweza kubeba wimbi la shukrani?! Ee Zawadi ya Mungu, hitaji langu la muhimu na pekee!