Yesu Alinunua Uvumilivu Wako

"Kikombe hiki kinachomwagika kwa ajili yenu ni agano jipya katika damu yangu." (Luka 22:20)

Maana yake ni kwamba agano jipya, lililoahidiwa kwa uwazi zaidi katika Yeremia 31 na 32, lilikamilishwa na kutiwa muhuri na damu ya Yesu. Agano jipya linatimia kwa watu wa Mungu wanaomtumaini Masihi, Yesu, kwa sababu Yesu alikufa ili kulianzisha.

Na agano jipya linahakikisha nini kwa wote walio wa Kristo? Uvumilivu katika imani hadi mwisho. 

Sikiliza Yeremia 32:40, 

“Nitafanya nao agano la milele, kwamba sitageuka na kuacha kuwatendea mema. Nami nitatia hofu yangu mioyoni mwao, ili wasikengeuke.” 

Agano la milele - agano jipya - linajumuisha ahadi isiyoweza kuvunjwa, "Nitaweka hofu yangu mioyoni mwao, ili wasikengeuke." Ili wasiweze. Hawatafanya hivyo. Kristo alitia muhuri agano hili kwa damu yake. Alinunua uvumilivu wako ikiwa uko ndani ya Yesu Kristo kwa njia ya imani.

Ikiwa unadumu katika imani leo, una deni kwa damu ya Yesu. Roho Mtakatifu, anayefanya kazi ndani yako ili kuhifadhi imani yako, anaheshimu kile ambacho Yesu alikinunua. Mungu Roho hufanyia kazi ndani yetu kile ambacho Mungu Mwana alikinunua kwa ajili yetu.

Baba ndiye aliyepanga. Yesu aliinunua. Roho Mtakatifu anatekeleza kivitendo — Wote pasipo kushindwa. 

Mungu amejitolea kabisa kwa ustahimilivu na usalama wa milele wa watoto wake walionunuliwa kwa damu.